ممرض واقعة “السجود لكلب” يكشف التفاصيل
كشف الممرض المصري عادل سالم، الذي تعرض في مقطع مصور لاعتداء من طبيب طلب منه السجود لكلب، كواليس الواقعة.
وأشار إلى أن الواقعة حدثت منذ 7 أشهر وأنه فوجئ بانتشار الفيديو على وسائل التواصل الاجتماعي.
وقال سالم: “كان صدمة ليا أني أشوف المنظر ده ولو كان فيه حدود بينا مكنش فيه أي مشكلة خالص لكن لما لقيته على التلفزيون زعلت”.
وأكد الممرض في تصريحات مصورة لصحيفة “الوطن” المصرية أن الفيديو كان تأثيره سيئا عليه وعلى أسرته: “ولادي تعبوا وابني الصغير تعب وكلنا تعبنا منظري مكنش كويس وعلى قريتي وأهلي وناسي”.
وكشف الممرض كواليس واقعة السجود للكلب: “كان عنده كلب وتوفي وأنا فوجئت بزعله عليه وقالي حصل كذا كذا يا عادل وأنا سخرت من الموضوع والموضوع مش بالأهمية دي كلب ومات عادي ومعرفش في الكلاب ولا تمنها.. بعدها كان فيه كلب تاني جابه بمبالغ كبيرة وأنا طبعا سخرت من الكلب التاني ده، وحصل الفيديو اللي حصل ده وأنا فوجئت بالكلام اللي بيتقال لي”.
وأكد الممرض أن هذه الواقعة لم تحدث في مستشفى حكومي ولكنها حدثت في مكان خاص، لافتا إلى أن الواقعة كانت “هزار” مضيفا: “بنهزر بس مش بننشر الفيديوهات والمناظر دي”.
وفسر الممرض سبب مجاراته للطبيب قائلا: “كنت بجاري أموري عشان الدنيا تمشي وطبعا دي حاجة مش كويسة وكتير اتكلمنا نمنع الحاجات دي وحاجات بسيطة ومفيش نشر ولا حاجات من دي خالص وفي سياق المداعبة مش بتصوير وفيديوهات ونشر”.
وأشار إلى أنه تواصل مع الطبيب وطلب الجلوس معه ورد عليه الأخير بأن الأمور بسيطة، مضيفا: “أنا مش عايز حاجة أنا عايز الفيديو يتشال لأنه سبب أذية ليا ولأولادي ولبلدي وأنا ماسك نفسي بالعافية وأنت متعرفش ولادي”.
وكان رواد مواقع التواصل الاجتماعي قد تداولوا مقطع فيديو للطبيب عمرو خيري رئيس قسم العظام بجامعة عين شمس، وهو يأمر أحد الممرضين المسنين بالسجود لكلبه.
