بعد طلاقه من هنا الزاهد… أحمد فهمي يكشف مواصفات فتاة أحلامه ويعلق تعدد الزوجات أمر جميل
![بعد طلاقه من هنا الزاهد... أحمد فهمي يكشف مواصفات فتاة أحلامه ويعلق تعدد الزوجات أمر جميل](/wp-content/uploads/2024/07/بعد-طلاقه-من-هنا-الزاهد.-أحمد-فهمي-يكشف-مواصفات-فتاة-أحلامه-ويعلق-تعدد-الزوجات-أمر-جميل-780x470.jpg)
حل الفنان أحمد فهمي، ضيفًا على برنامج “في البوكس” المذاع على قناة Gossips عبر مواقع التواصل الاجتماعي، حيث تحدث عن الكثير من الأمور الخاصة بأعماله وحياته الشخصية، كاشفاً عن مواصفات شريكة أحلامه التي يتمناها، وكذلك التنازلات التي من الممكن أن يقدمها في سبيل التعبير لها عن حبه.
وعن مواصفات فتاة أحلامه قال فهمي: “أهم حاجة تبقى بتضحكني، وذكية وشكلها يبقى حلو، وبتضحك دي أهم حاجة، إحنا هنقعد مع بعض كتير والشكل هتتعود عليه، ولما تتفرجوا كل يوم على حاجة تضحكوا عليها وتفهموا هزار بعض”.
وبسؤاله عن ذوقه في اختياراته لشريكات حياته وأن ملامحهن غير متشابهة، خيره المحاور بين ثلاث فنانات لاختيار الأجمل من وجهة نظره من بينهن، آية سماحة ومريم الخشت وأسماء جلال، قال: “التلاتة بحبهم جدًا والتلاتة شكلهم حلو جدًا، أختار أسماء جلال”.
وعن رأيه في تعدد الزوجات خاصة بعدما تزوج جده 17 سيدة، قال فهمي: “جدي تزوج 17 واحدة بعد سن الخمسين وبعد ما جدتي اتوفت، أنا لسة قدامي فترة عشان أبتدي، معرفش ممكن أعمل زيه ولا لأ، عمري ما اقدر أقول لك، هو أنا كنت أعرف إن حياتي هتبقى كده”.
وتابع: “كثرة الزوجات صعبة، لكن جميلة، هتهرب فين طول عمرك!
وعن سبب خضوعه منذ سنوات لعملية زراعة شعر، وإن كان خضع لأي عملية تجميل أخرى، قال: “بحب الشكل الطبيعي بس لقيت الشوية اللي في الجنب بدأوا يسحبوا، لو حاجة ملهاش علاقة بالشغل أنا مش هعملها، ودا يخدمك إنك تعمل اكتر من شخصية، من غير ما يبقى شكلي مش طبيعي، مش هعمل حاجة تاني”.
وعن علاقته ببعض الفنانين من بينهم روبي ولبلبة وأكرم حسني وشيكو وهشام ماجد، قال: “شيكو الناس كلها بقت عارفة هو مابيشبعش هو بيزهق، وهشام ماجد ألماني جدًا، لو قرر ينام الساعة 11 هيقوم ويسيب قاعدة بتضحك جدًا، كنا بنصور الفرنجة برا ولو ميعاد التصوير الساعة 6، يبقوا بيخبطوا علي أنا وشيكو نصحى، وهشام ماجد قاعد ستة إلا خمسة بيفطر، وكريم فهمي يبان جان بس هو بيضحك جدًا ودمه خفيف أكتر ما بيظهر في الأفلام”.
وتابع: “أما روبي، على الله خالص، مختلفة جدًا عما بتظهر، ونفسيتها فلة، ومش فارقة معها، لبلبة بحبها جدا، هي كل ما بتشوفني بتشتكي لي، شوفت يا أحمد! وبعدها تهدها وتقولي تصدق أنت طلعت صح؟! أقول لها شوفتي، هي طفلة عندها 6 أو7 سنين، أكرم حسني خطر جدًا أنا وهو ننساب مع بعض في مكان لو في صرف أو خناقة”.
وجاءت تصريحات أحمد فهمي عن مواصفات فتاة أحلامه بعد ساعات من كشف طليقته الفنانة هنا الزاهد عن الأسباب الحقيقة لطلاقهما وذلك أثناء حلولها ضيفة على برنامج “صاحبة السعادة” الذي تقدمه الإعلامية والفنانة إسعاد يونس.
بعد مرور 8 أشهر على انفصاله عن زوجته الفنانة هنا الزاهد، خرج الفنان أحمد فهمي بتصريحات تعكس انفتاحا على الارتباط والزواج مرة أخرى.
“تعدد الزوجات أمر جميل”
وخلال استضافته ببرنامج “في البوكس” المذاع على موقع “يوتيوب”، قال أحمد فهمي عن تعدد الزوجات “حاجة صعبة بس جميلة”، كما كشف عن زواج جده بعد سن الخمسين من 17 سيدة، وذلك عقب وفاة زوجته، ولدى سؤاله إن كان من الممكن أن يكرر ما فعله الجد، لم ينف فهمي لكنه قال “معرفش ممكن أعمل زيه ولا لأ، عمري ما أقدر أقول، هو أنا كنت أعرف إن حياتي هتبقى كدا؟”.
-
حياة مثيرة وموت غامض لـ«العفريتة الحسناء»: جالا فهمي
-
خناقة عائلية بين هنا الزاهد وكريم فهمي وزوجته.. والأسباب مجهولة
“مش أي حد نصدقه وندخله بيتنا”
يذكر أن الفنانة هنا الزاهد خرجت بتصريحات حول أسباب طلاقها من أحمد فهمي قبل أيام خلال برنامج “صاحبة السعادة” المذاع على قناة “DMC”، حيث قالت إنها لم تذرف دمعة واحدة وقت الطلاق. وأضافت: “لو رجع بيا الزمن هخوض التجربة تاني، عشان أنا مكنتش هتعلم غير لما أتخبط جامد عشان أركز في اختياراتي بعد كده، ولكن مش أي حد نصدقه وندخله بيتنا وحياتنا، ومنزلتش دمعة بعد انفصالي وركزت مع نفسي، وقررت أشفي هنا من كل حاجة واتخطيت وكنت راضية جدا”.